NarayaniPost.com
बिहिबार, साउन २६, २०७९

चितवनमा बिना इजाजत औषधी ओसारपसार, ८ जना पक्राउ

नारायणी पोस्ट
बुधबार, पुस १, २०७७

२०७७ पुस १ गते

बिना इजाजत औषधी ओसारपसारमा संलग्न रहेको आरोपमा आठ जना चितवनमा पक्राउ परेका छन् । भारतबाट तस्कर गरी औषधी ल्याएको आरोपमा ईलाका प्रहरी कार्यालय माडीले मंगलबार(हिजो) माडी नगरपालिका–९ सोमेश्वरबाट ३१ लाख रुपैयाँ बराबरका औषधी सहित उनीहरुलाई पक्राऊ गरेको हो ।

माडीको बगही खोलाको किनारको झाडीमा बेवारीसे अवस्थामा औषधी रहेको सूचनाको आधारमा प्रहरी परिचालन भएको थियो ।
पक्राऊ पर्नेहरुमा चितवन र मकवानपुरका समान ४, ४ जना रहेका छन् । जसमा कालिका नगरपालिका–४का २८ बर्षिय राजकुमार महत्तो, कालिका नगरपालिका–३का ३१ बर्षिय हरिशरण चौधरी, माडी नगरपालिका–३का २२ बर्षिय बालकृष्ण महत्तो, मिलन महत्तो, मकवानपुर गढी गाउँपालिका–८का २५ बर्षिय सुरज गौतम, मकवानपुर गढी गाउँपालिका–३का २३ बर्षिय प्रकाश दाहाल, हेटौडा उपमहानगरपालिका–५का २५ बर्षिय उज्वल पोख्रेल र २३ बर्षिय बिपिन सापकोटा रहेको छन् ।

चेकजाँचको क्रममा ठोरीबाट माडी तर्फ आउँदै गरेको ना४ख४४२५ नम्बरको गाडीको डिक्कीमा लुकाएर ल्याउँदै गरेको औषधी फेला परेको जिल्ला प्रहरी कार्यालय चितवनले जानकारी दिएको छ । अवैद्य औषधी खोजिको क्रममा माडीका बालकृष्ण महत्तो र मिलन महत्तोको घरमा समेत लुकाई राखेको अवस्थामा विभिन्न किसिमका औषधीहरु फेला पारिएको प्रहरीले जानकारी दिएको छ ।

उनिहरुको साथबाट टोटल एन्टिओक्सिडन्ट १ सय ५६बट्टा, शिलाजित ८३, ओ मोरिंगा ५६ बट्टा, प्यन्याक्स जिनसेङ ६०, नेटुरोभिटा ५६, स्प्रिरुलिना ५०, डेपिलो १ सय ३०, क्याल्सियम ५६, एसर्पो ७९ र डेटोक्सिन लेखिएको १७ बट्टा बरामत गरिएको प्रवक्ता प्रहरी नायव उपरिक्षक सूर्यबहादुर थापाले जानकारी दिनुभयो ।

बरामद भएको औषधीको अनुमानित मुल्य २१ लाख १० हजार ५ सय ३२ र बेवारीसे अवस्थामा फेला परेको औषधीको अुनमानित मुल्य ९ लाख ९५ हजार १ सय रुपैयाँ रहेको थापाले जानकारी दिनुभयो । पक्राऊ परेका उनीहरुलाई थप अनुसन्धान तथा कारबाहीको लागि औषधी व्यवस्था विभागमा पठाईएको छ । उनिहरुको साथमा फेला परेका औषधी नेपालमा प्रतिवन्धित रहेको आर्यूवेदिक चिकित्सहरुले बताएका छन् ।

स्रोत: कालिका न्युज

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram