NarayaniPost.com
आइतवार, साउन २९, २०७९

विश्लेषकहरु भन्छन् : ओलीले पतनको बाटो रोजे !

नारायणी पोस्ट
आइतवार, पुस ५, २०७७

२०७७ पुष ५

काठमाडौं–नेपाल कम्युनिस्ट पार्टी (नेकपा) का अध्यक्ष समेत रहेका प्रधानमन्त्री केपी शर्मा ओलीले संसद विघटनको सिफारिस गरेर आफैलाई पतनतिर धकेलेको टिप्पणी हुन थालेको छ ।

राजनीतिक विश्लेषक तुलानानारायण साहले भने, प्रधानमन्त्री अ‍ोलीको यो कदमले देशमा अस्थिरता आउने पक्का भएको छ, अब देशको राजनीति स्थिर रहनेछैन । संसद विघटन सदर–बदर जे भएपनि अहिलेको जस्तो कम्युनिस्ट पार्टी रहने छैन ।’ साहले अहिलेको घटनालाई ‘नेकपाको आन्तरिक द्वन्द्वको विस्फोट’को संज्ञा दिँदै साहले ‘देश नयाँ कोर्षमा प्रवेश गरेको र संसद विघटन भयो भने खेलाडी संख्या थपिने’ टिप्पणी गरे । अहिलेको राजनीतिक रंगमञ्चमा मुख्य शक्तिको रुपमा नेकपा, काँग्रेस र जसपा नेपाल मात्र रहेको उल्लेख गर्दै साहले ‘संसद विघटन भएपछि चुनाव घोषणा नभएसम्म हुने राजनीतिक उतारचढावले अवस्था जे पनि सृजना हुन सक्ने’ बताए ।

प्रधानमन्त्री अ‍ोलीले यो कदम किन चाले त्यो कुरा पछि खुल्दै जाला तर यो एउटा अन्तराष्ट्रिय डिजाइन अन्तर्गत भएको हुनुपर्छ भन्ने आशंका गरिन थालिएको छ । स्थिति त्यस्तै हो भने नेपालमा राजनीतिक अस्थिरताको सिर्जना हुने प्रष्ट छ । । देशमा भइरहेका पछिल्ला अन्तराष्ट्रिय चलखेलले अहिलेको स्थिति निम्तिन सक्ने संकेत पहिल्यै देखापरिसकेको थियो भन्ने पनि विश्लेषण भइरहेको छ ।

नाम उल्लेख गर्न नचाहने एक विश्लेषकका अनुसार, पहिलो संविधानसभा विघटन हुँदा जुन परिदृष्य देशमा देखिएको थिया,े त्यही दृश्य पुन दोहोरिनेछ । त्यसबेला पनि अन्तराष्ट्रिय चेलखेलको शिकार संविधानसभा भएको थियो र अहिले पनि संसद त्यस्तै शिकार भएको उनको भनाइ छ ।

अर्का राजनीतिक विश्लेषक चन्द्रकिशोरले पनि ‘ओलीले आफ्नो पतनको बाटो आफैँ अपनाएको’ टिप्पणी गरे । ‘नेकपाले ओलीलाई दण्डित गरेपनि नगरेपनि जनताले अवश्य दण्डित गर्ने’ टिप्पणी गर्दै ‘ जनताले दिएको म्यान्डेट पूरा गर्न नसकेका कारण अब ओलकिो पतन निश्चित भएको’ उनले बताए ।

संसद विघटन भएपछि हुने चुनावले लोकतन्त्रमा कहीँ त कतै असर पर्ने चन्द्रकिशोरको विश्लेषण छ । ‘अब हुने चुनावले लोकतन्त्र नै समाप्त नभए पनि केही अवश्य असर गर्छ,’ उनले भने, ‘लोकतन्त्रको अभ्यास भइरहेकै बेला यस्तो अवस्था आउनु दुखद छ । अहिलेको अवस्थालाई ‘नेकपाको घर झगडाको परिणाम’ बताउँदै चन्द्रकिशोरले ‘ नेकपा अब पुरानै अवस्थामा नआउने पनि यो घटनाले निश्चित गरेको’ बताए । प्रधानमन्त्री ओलीले कार्यकारी अधिकारको दुरुपयोग गरेको उनको ठम्याइ छ ।

‘नेकपाले नयाँ संविधानलाई पटक पटक उल्लंघन गरेको’ आरोप राजनीतिक विश्लेषक विजयकान्त कर्णको रहेको छ । ‘काँग्रेस र कम्युनिस्ट मिलेर संविधान बनाए, त्यसलाई एउटा तप्तकाले वहिष्कार गर्यो तर पछि त्यही कम्युनिस्टबाट पटक पटक संविधानको उल्लघन भएको र त्यसैको निरन्तरता आजको घटना भएको’ उनको ठम्याइ छ ।

‘प्रधानमन्त्री ओलीको यो कदम गैर संविधानिक र गैर जिम्मेवार यो कदमले उहाँको निरंकुशता प्रष्ट भएको र त्यसले ओली आफैलाई समाप्त गर्ने ’कर्णको कथन छ । उनको बुझाइमा यो घटनापछि नेकपा विभाजन हुने लगभग निश्चित छ, एमालेका शीर्ष नेताहरुले उसलाई साथ नदिने अवस्था देखिएको छ र प्रधानमन्त्री ओली एउटा गुट लिएर बस्ने स्थिति पैदा हुनेछ ।

‘प्रधानमन्त्री ओलीको यो कदमले नेपालको राजनीतिमा दीर्घकालीन प्रभाव पार्ने’ बताउँदै कर्णले ‘यस घटनाले कम्युनिस्टसँग शासकीय क्षमता नरहेको कुरा प्रष्ट भएको’ बताए । ‘झण्डै दुई तिहाई मत दिएर पठाएको कम्युनिस्टले देश सञ्चालन गर्न सकेन, र कानुनी राज्यलाई पनि पालन गर्न सकेन भनी जनता स्पष्ट भएको उनको टिप्पणी छ ।

स्रोत:रातोपटी

आन्य समाचारहरु:-
August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram