NarayaniPost.com
बिहिबार, साउन ५, २०७९

पाँची नदीमा बेपत्ता मुखियाको खोजीमा जुटेको प्रहरी र गाउँले, साथी अम्मली थुनामा

नारायणी पोस्ट
शुक्रबार, पुस १७, २०७७

२०७७ पुष १७ गते
राजविराज : मलेसियाबाट आएको चार दिनमै सप्तरीको बिष्णुपुर गाउँपालिका–१ जमुनीका २५ वर्षीय एक युवक बेपत्ता भए। बेपत्ता श्रवणकुमार मुखियाको खोजीमा प्रहरी, परिवार र गाउँले जुटे पनि तीन महिनादेखि केही पत्ता लाग्न सकेको छैन्। मुखियालाई अपहरण गरी बेपत्ता बनाएको मुद्दामा तीन महिनापछि सोही ठाउँका २५ वर्षीय सुरेन्द्र यादवलाई भने अदालतले कारागारमा थुनामा पठाएको छ।

जिल्ला अदालतको आदेशमा सुरेन भनिने सुरेन्द्र यादवलाई पुर्पक्षका लागि राजविराज कारागारमा थुनामा पठाएको जिल्ला प्रहरी कार्यालय सप्तरीले जनाएको छ। मलेशियाबाट आएका श्रवणकुमार मुखियाको हत्या गरी डाक्नेश्वरी नगरपालिका–६ स्थित पाँची नदीमा फालेको गाउँलेहरुसँग स्विकारेपछि गाउँलेहरुले आरोपितलाई असोज २८ गते प्रहरीसमक्ष बुझाएका थिए। गाउँकै यादवसँग असोज २४ गते मोटरसाइकलमा निक्लिएका मुखिया घर नफर्किए पनि यादव भने मोटरसाइकल चढी गाउँ फर्केर आएपछि मुखियाका परिवार र गाउँलेहरूले सोधीखोजी गरे। मुखियाबारे चार दिनसम्म केही पत्तो नलागेपछि गाउँलेहरूले यादवसँग बसेर दुई दिन घण्टौ सोधखोज र केरकार गरे। गाउँलेहरूले असोज २७ गते राति २ बसेसम्म बसेर सोधपुछ गर्दा आरोपितले हत्या गरेको स्विकारेपछि उनलाई प्रहरीको जिम्मा लगाइएको गाउँलेहरुले बताए।

यता पाँची नदीमा असोज २८ गतेदेखि नै प्रहरी टोली परिचालित भई बेपत्ता मुखियाको खोजी गरे पनि फेला परेका छैनन्। नदीको छेउमा रगतको सुकेका दागको टाटा र मुखियाको चप्पल फेला परेकोले नेपाल प्रहरी र सशस्त्र प्रहरीका २/२ जना इन्स्पेक्टरसहितको टोली नदीमा खटिए। शव फेला नपरेपछि इलाका प्रहरी कार्यालय कल्याणपुर, सप्तरीले असोज ३० गते लागु औषध मुद्दामा यादवलाई प्रहरी हिरासतमा राखी थप अनुसन्धान गर्‍यो। लागु औषधका अम्मली रहेको उनको साथबाट लागु औषध बरामद भएको इन्स्पेक्टर धर्मराज मुडभरीले बताए।

स्काभेटर र रबर बोटसहित गोताखोर सशस्त्र प्रहरीको टोलीले मुखियाबारे पत्ता लगाउन नसकेपछि र शवसमेत फेला नपरेपछि आरोपितविरुद्ध प्रहरीले कर्तव्य ज्यानको उजुरी दर्ता नगरी अपहरण गरी मानिस बेपत्ता बनाएको मुद्दामा कारवाही थाल्यो। जिल्ला सरकारी वकिलको कार्यालयमार्फत कात्तिक २१ गते आएको उजुरी मङ्सिर १७ गते इलाका प्रहरी कल्याणपुरले दर्ता गर्‍यो। लागु औषध मुद्दामा थुनामा राख्न पाउने अवधि ३ महिना भएकाले अपहरण गरी मानिस बेपत्ता बनाएको उजुरी ढिला गरी दर्ता गरिएको इन्स्पेक्टर मुडभरीले बताए।

गाउँलेहरुका अनुसार ३ सालपछि मलेशियाबाट घर फर्किएका मुखियालाई यादवले मोटरसाइकलमा चढाएर लागुपदार्थ सेवनका लागि भारततर्फ लगेका थिए। भारत पुगेर लागु पदार्थ सेवन गरेर मातिएको अवस्थामा साँझ सात बजे फर्किएका उनीहरू बीच सुरुमा घर जाने वा नजाने विषयमा विवाद भयो। खैनी र चुरोट किन्न मुखिया छेउको पसल गएका बेला कपडा पसलमै उनले छाडेर गएको ४० हजारको मोबाइल यादवले लुकाएको भनेर विवाद चर्किएको स्थानीयले बताए।

मोटरसाइकल चढेर पाँची नदीतर्फ गएका यादव घर फर्किएको तर सँगै गएका मुखिया बेपत्ता भएपछि गाउँलेहरुले यादवसँग केरकार गरेका थिए। गाउँलेहरुसँग हत्या गरेको स्विकारे पछि नै गाउँलेहरुले यादवलाई प्रहरीको जिम्मा लगाएको स्थानीय हरेराम मण्डलले जानकारी दिए।

बेपत्ता मुखियाका बुबा मनोरथ मुखियाको जाहेरीमा अपहरण गरी मानिस बेपत्ता बनाएको मुद्दामा यादव पुर्पक्षका लागि राजविराज कारागारमा थुनामा पुगेको एसपी राजेन्द्रप्रसाद धमलाले बताए। लागु औषध मुद्दामा भने अदालतले यादवलाई दुई महिना कैद र एक हजार जरिवानाको फैसला गरेको छ। थुनामा रहेको अवधि दुई महिना भुक्तान भइसकेकोले हाल यादव अपहरण गरी मानिस बेपत्ता बनाएको कसुरमा पुर्पक्षका लागि राजविराज कारागारमा थुनामा छन्।

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram