NarayaniPost.com
बुधबार, साउन २५, २०७९

मिचिएको जग्गा फर्काउने अभियान

नारायणी पोस्ट
आइतवार, फाल्गुन २, २०७७

२०७७ फागुन २ गते

भूमाफियाबाट अतिक्रमणमा परेका सरकारी, सार्वजनिक र गुठी जग्गाको विवरण ढिलै भए पनि सार्वजनिक भएको छ। विगतमा मुलुकभर सरकारी स्वामित्वका जग्गा र तीमध्ये भूमाफियाबाट कति अतिक्रमित भएका छन् भन्ने स्पष्ट तथ्यांकसमेत थिएन। सार्वजनिक, सरकारी र गुठीका जग्गा संरक्षण जाँचबुझ आयोगले दुई वर्ष अध्ययन गरेर भर्खरै तयार गरेको प्रतिवेदनले सरकारी जग्गामा रजाइँ गर्ने प्रवृत्ति र पात्रका बारेमा समेत उजागर गरेको छ। साथै यति नै बेला माफियाको कब्जामा रहेको सरकारी जग्गा तुरुन्त राज्यको नियन्त्रणमा ल्याउनुपर्ने र त्यस्ता जग्गामा भौतिक संरचना निर्माण कार्यसमेत रोक्नुपर्ने माग गर्दै नागरिक स्तरबाट पनि दबाब सुरु भएको छ। प्रतिवेदनको मर्म र नागरिकको माग सम्बोधन हुनेगरी सरकारी स्तरबाट तुरुन्त प्रक्रिया आरम्भ हुनुपर्छ। व्यक्ति वा भूमाफियाको कब्जामा पुगेको सरकारी सम्पत्ति सरकारमातहत ल्याउनुपर्छ।

राष्ट्रवाद र मुलुक विकासका जति ठूलो गफ हाँके पनि सरकारी÷सार्वजनिक सम्पत्ति रजाइँ गर्ने मौका मिल्यो भने व्यक्तिगत लाभका लागि जस्तोसुकै अपराध गर्न पनि पछि नपर्ने घातक मानवीय प्रवृत्ति बढ्ने क्रममा छ। मुलुक जतिसुकै कंगाल बनोस् वा अरूलाई जेसुकै होस् आफू भने धनदौलतले सर्वसम्पन्न बन्ने उत्कट चाहना पूरा गर्न सार्वजनिक जग्गासमेत नछोड्ने गलत प्रवृत्ति मुलुकभर झांँगिरहेको छ। मुलुकभर ७० हजार वर्गफिट सरकारी जग्गा रहेको सरकारी तथ्यांक छ। तीमध्ये २० जिल्लामा कुल ८ हजार १ सय ९२ रोपनी जमिन अतिक्रमणमा परेको छ। यी जग्गा सार्वजनिक गुठी, मन्दिर तथा सरकारी जग्गा रहेको छ। यी सबै जग्गाको मूल्य ६ खर्ब रुपैयाँ भन्दा बढी छ। मुलुकको कुल वार्षिक बजेटको ५० प्रतिशत रकमबराबरको जग्गा अतिक्रमणमा पर्दा पनि सरकार टुलुटुलु हेरेर बसेको छ। यो अवस्थाले सरकारी जग्गामा रजाइँ गर्न पल्केकालाई झन् उत्साहित बनाएको छ। यस्तो गलत प्रवृत्तिलाई बेलैमा निरुत्साहित नगर्ने हो भने सरकारी जग्गा मिच्ने र व्यक्तिको नाममा पार्ने प्रवृत्ति बढ्ने निश्चित छ। आयोगले छुट्टाछुट्टै रूपमा गरेको अध्ययनबाट ३३ वटा प्रतिवेदन सरकारलाई बुझाएको छ। सरकारी जग्गा भूमाफियाले व्यक्तिगत बनाउने क्रममा सरकारी कर्मचारीलाई समेत प्रभावित पार्ने गरेका छन्।

सरकारी जग्गा अतिक्रमण गर्ने मात्रै होइन, त्यस्ता जग्गा शक्तिको आडमा जग्गा कौडीको भाउमा लिजमा लिने र पछि तोकिएको सर्तविनै फिर्ता नगर्ने गलत अभ्यास पनि भइरहेको छ। सरकारी जग्गा लिजमा लगाउने गरी सरकारले ६ वर्षअघि नै कार्यनीति बनाएको थियो तर उक्त कार्यनीति कार्यान्वयनमा नै आउन सकेको छैन। जसका कारण मुलुकका सात हजार ५ सय ८५ रोपनी जग्गा सरकारी कार्यालयमातहत आउन सकेको छैन। विगतको लिज भंग गरेर चल्तीको भाउमा फेरि लिजमा दिने कार्यनीतिको उद्देश्य थियो। तर विगतमा उच्च राजनीतिक तथा प्रशासनिक शक्तिको आडमा जग्गा लिएकाले न जग्गा फिर्ता गरे न त फेरि सम्झौता गर्न नै आए। ढिलै भए पनि प्राप्त प्रतिवेदनले दिएको सुझाव कार्यान्वयन गर्दै सरकारी, गुठी वा सार्वजनिक जस्तो जग्गा भए पनि व्यक्तिको चंगुलमा पर्न दिनु हुँदैन। अतिक्रमित जग्गा निःसर्त फिर्ता ल्याउनुपर्छ।

यस्ता कुकृत्यमा संलग्न व्यक्तिलाई कडा कारबाही हुनुपर्छ। मिचिएको जग्गा फिर्ता ल्याउने सरकारी अभियानमा नागरिकले पनि सहयोग गर्नुपर्छ। सरकारको नराम्रो कामको विरोधसँगै सकारात्मक कामको प्रशंसा गर्दै उसका अभियान सार्थक बनाउन प्रयत्न गर्नु असल नागरिकको कर्तव्य पनि हो।

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram