२०७७ फागुन १३ गते
काठमाडौं । देशका विभिन्न स्थानमा भएका छुट्टाछुट्टै सवारी दुर्घटनामा ५ जनाको मृत्यु भएको छ । मकवानपुर, बर्दिया, चितवन र सुनसरीमा भएका सवारी दुर्घटनामा उनीहरुको मृत्यु भएको प्रहरीले जनाएको छ ।
मकवानपुरको हेटौंडा उपमहानगरपालिका–११ नवलपुरमा ट्रकले एक गाडीलाई ठक्कर दिँदा एकजनाको मृत्यु भएको छ । विहीबार बिहान ना ६ ख ४०४४ नम्बरको ट्रकले ना १ ह ३४०८ नम्बरको गाडीलाई ठक्कर दिँदा गाडी चालक हेटौंडा उपमहानगरपालिका–११ थानाभन्ज्याङ बस्ने ३६ वर्षीय खेमलाल श्रेष्ठको मृत्यु भएको हो ।
दुर्घटनामा गम्भीर घाइते भएका उनको चुरेहिल अस्पतालमा उपचारको क्रममा मृत्यु भएको प्रहरीले जनाएको छ । फरार रहेका ट्रक चालकको प्रहरीले खोजी गरिरहेको छ ।
बर्दियाको राजापुर नगरपालिका–८ भोगपुरमा मोटरसाइकल राँगोमा ठक्कर खाँदा एकजनाकोे मृत्यु भएको छ ।
ना ६५ प ८०३९ नम्बरको मोटरसाइकल राँगामा ठक्कर खाँदा मोटरसाइकल चालक गुलरिया नगरपालिका–३ खैरापुर बस्ने २७ वर्षीय दामोदर खनालको बुधबार साँझ मृत्यु भएको प्रहरीले जनाएको छ । ठक्कर खाँदा गम्भीर घाइते भएका उनको प्राथमिक स्वास्थ्य केन्द्र राजापुरमा उपचारको क्रममा मृत्यु भएको हो । घाइते भएका मोटरसाइकलमा सवार सोही ठाउँका २६ वर्षीय सुभन यादवको उपचार भइरहेको छ ।
यसैगरी चितवनको भरतपुर महानगरपालिका–१२ मा ना ३८ प ५२६८ नम्बरको मोटरसाइकल अनियन्त्रित बुधबार राति दुर्घटना हुँदा मोटरसाइकल चालकको मृत्यु भएको छ ।
मृत्यु हुनेमा सर्लाही ईश्वरपुर नगरपालिका–१० का २५ वर्षीय चिरनराज चौधरी रहेको प्रहरीले जनाएको छ । दुर्घटनामा परी गम्भीर घाइते भएका उनको भरतपुर अस्पतालमा उपचारको क्रममा मृत्यु भएको हो ।
यस्तै भरतपुर महानगरपालिका–९ मा बा ५ ख ८९९९ नम्बरको गाडीको ठक्करबाट एकजना पैदलयात्रीको मृत्यु भएको छ । मृत्यु हुने अन्दाजी ४५ वर्षीय पुरुषको पहिचान नखुलेको प्रहरीले जनाएको छ । ठक्करबाट गम्भीर घाइते भएका उनको पुरानो मेडिकल कलेजमा उपचारको क्रममा मृत्यु भएको हो । चालकको खोजी भइरहेको प्रहरीले जनाएको छ ।
यस्तै सुनसरी, बराहक्षेत्र नगरपालिका–५ भरौलमा को १ ज ३७६१ नम्बरको बोलेरोले ना ३९ प ५०७६ नम्बरको मोटरसाइकललाई ठक्कर दिँदा एकजनाको मृत्यु भएको छ । मृत्यु हुनेमा मोटरसाइकलमा सवार सोही ठाउँ बस्ने २५ वर्षीय डिगन गुरुङ रहेको प्रहरीले जनाएको छ ।
दुर्घटनामा गम्भीर घाइते भएका उनको बीपी कोइराला स्वास्थ्य विज्ञान प्रतिष्ठान धरानमा उपचारको क्रममा मृत्यु भएको हो । घाइते भएका कृष्णकुमार राजधामीको उपचार भइरहेको छ । बोलेरो चालकलाई प्रहरीले नियन्त्रणमा लिएको छ ।
स्रोत : अनलाइनखबर
२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ । लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी
तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]
चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।
