NarayaniPost.com
शुक्रबार, फाल्गुन ११, २०८०

निषेधाज्ञामा पनि निर्माण कार्य निरन्तर

नारायणी पोस्ट
सोमवार, बैशाख २०, २०७८

२०७८ बैशाख २० गते

सुर्खेत : कर्णालीका अधिकांश जिल्लामा निषेधाज्ञा लागू छ। कोरोना महामारीको दोस्रो लहरका कारण प्रदेशमा मृत्युदर पनि बढ्दो छ। तर विकास आयोजनाहरूको निर्माण कार्य भने रोकिएको छैन। निषेधाज्ञा भए पनि भौतिक निर्माणको कामलाई निरन्तरता दिइएको हो।

कोरोनाको संक्रमण तीव्र बनेपछि सुर्खेतमा गत मंगलबार रातिदेखि निषेधाज्ञा जारी छ। तर यही मौकामा वीरेन्द्रनगरमा हाल धमाधम सडक विस्तार र कालोपत्रेको काम भइरहेको छ। निषेधाज्ञामा पनि निर्माणको काम नरोक्ने रणनीति प्रदेश सरकारले अपनाएको हो।

प्रदेश सरकारले महामारीको यो समयमा पनि भौतिक विकास र निर्माणको कामलाई निरन्तरता दिइने जनाएको छ। सोहीअनुसार प्रदेशमा रहेका अन्य विकास आयोजनाहरूको काम पनि जारी छ।

चालू आर्थिक वर्ष सकिन अब साढे दुई महिना मात्र बाँकी छ। यो अवधिमा प्रदेश सरकारले विकास बजेटको खर्च बढाउने तयारी गरेको हो। हाल विकास खर्च निराशाजनक रहेकाले पनि खर्च बढाउन र आयोजनाहरूको काम सम्पन्न गर्न महामारीको समयमा पनि आयोजनाको काम नरोकिने प्रदेश सरकारको भनाइ छ।

हाल कर्णालीका सुर्खेत, जाजरकोट, सल्यान र रुकुमपश्चिममा निषेधाज्ञा लागू गरिएको छ। प्रदेशका अन्य जिल्लामा पनि संक्रमणको दर उकालो लाग्दैछ। त्यहाँ पनि निषेधाज्ञा जारी हुन सक्ने अवस्था छ। तर पनि महामारीमै आवश्यक सावधानी र सतर्कता अपनाउँदै विकास निर्माणको काम जारी राख्नेगरी प्रदेश सरकारले तयारी गरिरहेको हो।

‘निषेधाज्ञामा पनि विकास आयोजनाहरूको काम रोकिँदैन’ प्रदेश सरकारका प्रवक्ता एवम् आर्थिक मामिला तथा योजनामन्त्री विमला केसीले भनिन्, ‘आवश्यक स्वास्थ्य मापदण्ड र सावधानी अपनाएर भए पनि विकास आयोजनाको कामलाई निरन्तरता दिन्छौं।’ विकास आयोजनामा खटिने मजदुर तथा कर्मचारीलाई उच्च सतर्कता अपनाएर आयोजनाको कामलाई निरन्तरता दिइने उनले बताइन्।

चालू आर्थिक वर्षमा खर्च नहुने केही बजेट पनि कोरोना महामारीमा खर्च गर्ने प्रदेश सरकारको तयारी छ। कोरोना नियन्त्रणमा प्रदेश सरकार गम्भीर रहेको भन्दै उनले भौतिक निर्माणको कामलाई पनि जारी राखिने बताइन्। संक्रमण बढेसँगै प्रदेश सरकारले निर्माणको काम जारी राख्ने र निर्माण सामग्रीको आपूर्तिलाई सहज बनाउने निर्णय गरिसकेको छ।

सरकारको यो निर्णयपछि निषेधाज्ञामा पनि निर्माण सामग्रीको ढुवानी सहजै भइरहेको हो। निर्माण सामग्रीको ढुवानी भइरहेको र स्वास्थ्य मापदण्डको पालना गराएर निर्माणको काम जारी नै राखिएको छ। सहज अवस्था हुँदा चैत अघिसम्म झन्डै १६ प्रतिशत मात्रै विकास खर्च भएको छ। चालू आर्थिक वर्षको ९ महिनाको अवधिमा प्रदेश सरकारको विकास खर्च निराशाजनक छ। यद्यपि प्रदेश सरकारले विकास खर्च ६५ प्रतिशत पुर्‍याउने लक्ष्य लिएको छ।

प्रदेश सरकारले विकास आयोजनाको कामलाई निरन्तरता दिएर भए पनि बजेट खर्चको लक्ष्य पूरा गर्ने योजना बनाएको छ। ‘हामी त शतप्रशित बजेट खर्च गर्न चाहन्छौँ, तर कोरोना महामारीका कारण पनि अब ६५ प्रतिशत बजेट खर्च गर्छौँ', प्रदेश सरकारका प्रवक्ता विमला केसीले भनिन्, ‘निषेधाज्ञामा पनि विकास आयोजनाको रोक्दैनौं, विकासतर्फको बजेट खर्च बढाउँछौं।’

आन्य समाचारहरु:-
July 12, 2023
प्रधानमन्त्री पत्नी सीता दाहालको निधन

२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ ।  लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]

July 11, 2023
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त

सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी

November 7, 2022
ड्राइभिङ लाइसेन्स प्रिन्ट भयो वा भएन ? थाहा पाउने ३ तरिका

तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]

August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

IPO Result Check

" निरन्तर समाचारको संवाहक "

Beta version

Narayani Post

news@narayanipost.com
narayanipost24@gmail.com
चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram