NarayaniPost.com
मङ्लबार, फाल्गुन १५, २०८०

चितवनमा कोरोना संक्रमण दर १५ प्रतिशतमा झर्‍यो

नारायणी पोस्ट
शनिबार, जेष्ठ १५, २०७८

२०७८ जेठ १५ गते

चितवन । चितवनमा मध्य जेठसम्म आइपुग्दा कोरोना संक्रमण दरमा धेरै कमी आएको छ । अस्पताहरुमा कोरोनाका बिरामीको चाप पनि निरन्तर घट्दै गएको देखिन्छ ।

भरतपुर अस्पतालका अध्यक्ष तथा वरिष्ठ फिजिसिएन डा भोजराज अधिकारीले चितवनमा भएको जम्मा कोरोना परीक्षण मध्ये ७४ प्रतिशतलाई संक्रमण देखिने गरेकोमा अहिले १५ देखि २० प्रतिशतलाई मात्र संक्रमण देखिएको नारायणी अनलाइनलाई बताए । उनले भने, ‘ यो एकदमै शुभ संकेत हो । अब दुई हप्ता धैर्य गरौं । कोरोना संक्रमण धेरै घट्छ ।’ डा अधिकारीले भरतपुर अस्पतालमा एक हप्ताअघिसम्म दिनको ४५० जना जति दैनिक कोरोना परीक्षण गर्न आउने गरेकोमा अहिले दैनिक १५० जना मात्र आउँने गरको बताए । उनले भने, ‘परीक्षण गर्नेको संख्या घटेसँगै कोरोना संक्रमण दर पनि घट्दो छ । गम्भीर रहेका कतिपय बिरामीको मृत्यु भएका छन् भने सामान्य बिरामी अस्पतालबाट डिस्चार्ज भएका छन् । अस्पतालहरुमा बिरामीको चाप घट्दो छ ।’ उनले कोरोनाको तेस्रो वेभ भविष्यमा आउन पनि सक्ने वा सामान्य रोग जस्तो भएर जाने दुवै सम्भावना रहेको बताए ।

स्वास्थ्य कार्यालय चितवनले आज प्रेषित गरेको तथ्यांक अनुसार विगत २४ घण्टामा चितवन जिल्लामा एक जना पनि कोरोना संक्रमितको निधन भएको छैन । अन्य जिल्लाबाट आएका कोरोना संक्रमित भने तीन जनाको मृत्युभएको छ ।

अस्पतालमा उपचाररत बिरामीको संख्या ५०० बढी पुगेको थियो तर विगत २४ घण्टामा सो संख्या घटेर ३९२ मा झरेको छ ।
त्यसैगरी आईसीयू र भेन्टिलेटरमा पनि बिरामीको संख्या घटेको देखिन्छ । विभिन्न अस्पतालको आईसीयूमा १९०, भेन्टिलेटरमा ६१ जना, एचडीयूमा ४३ जना र सामान्य बेडमा १५४ जनाको उपचाररत भइरहेको छ । जुन एकहप्ता अगाडिको तथ्यांक भन्दा धेरै कम हो ।

स्वास्थ्य कार्यालयको तथ्यांक अनुसार विगत २४ घण्टामा १०७ जना कोरोना संक्रमित चितवनमा थपिएका छन् । जसमध्ये भरतपुर महानगरपालिकामा ८२ जना, खैरहनीमा ३ जना, माडीमा ५, रत्ननगरमा ९ जना, राप्तीमा ५ जना र कालिकामा ३ जना रहेका छन् । योसँगै चितवनमा संक्रिय संक्रमितको संख्या चार हजार ९०३ जना पुगेको छ । चितवनका विभिन्न अस्पतालबाट विगत २४ घण्टामा ३५ जना बिरामी डिस्चार्ज भएका छन् जुन संख्या एक हप्ता अगाडि धेरै कम थियो ।

आन्य समाचारहरु:-
July 12, 2023
प्रधानमन्त्री पत्नी सीता दाहालको निधन

२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ ।  लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]

July 11, 2023
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त

सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी

November 7, 2022
ड्राइभिङ लाइसेन्स प्रिन्ट भयो वा भएन ? थाहा पाउने ३ तरिका

तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]

August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

IPO Result Check

" निरन्तर समाचारको संवाहक "

Beta version

Narayani Post

news@narayanipost.com
narayanipost24@gmail.com
चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram