NarayaniPost.com
आइतवार, फाल्गुन १३, २०८०

बालविवाहको आरोपमा बेहुलासहित ३ पक्राउ

नारायणी पोस्ट
बिहिबार, असार ३१, २०७८

२०७८ असार ३१ गते
वीरगन्ज : पर्सा प्रहरीले बालविवाह गर्ने र गराउनेमा संलग्न बेहुलासहित ३ जनालाई पक्राउ गरेको छ। पक्राउ पर्नेमा बेहुला, बेहुलाका बुवा र बेहुलीका बुवा रहेका छन्।

बाराको प्रसौनी गाउँपालिका— ५ बेलहियाका महेश सहनीकी १७ वर्षीया छोरीसँग पर्साको पकाहामैनपुर गाउँपालिका—१ धोरेका ठग सहनीका २४ वर्षीय छोरा विशाल सहनीको असार १९ गते धोरेस्थित भुटनदेवी मन्दिरमा बिहे भएको थियो।

नेपालको प्रचलित कानुनअनुसार उमेर नै नपुगी १७ वर्षीया बालिकाको बिहे गरिएको भन्दै गाउँलेले प्रहरीमा मौखिक उजुरी दिएका थिए। त्यही उजुरीको आधारमा बिहे भएको ११ दिनपछि बुधबार जिल्ला प्रहरी कार्यालय पर्साबाट खटिएको प्रहरी टोलीले बेहुला विशाल, उनका बुवा ठग र बेहुलीका बुवा महेशलाई पक्राउ गरेको पर्साका प्रहरी नायब उपरीक्षक ओमप्रकाश खनालले जानकारी दिए।

बिहे असार १९ गते नै भएको भए पनि प्रहरीकोमा उजुरी ढिला गरी आएकाले बुधबार तीन जनालाई नियन्त्रणमा लिइएको खनालले बताए। उमेर नपुगी गरिने विवाह स्वतः रद्द हुने भएकाले बेहुलीलाई बेहुलाको घरबाट उद्धार गरी परिवारजनको जिम्मा लगाइएको खनालले जानकारी दिए। प्रहरी हिरासतमा राखिएका तीनै जनाविरुद्ध पर्सा जिल्ला अदालतबाट ५ दिनको म्याद थप गरी मुलुकी अपराध संहिताको दफा १७३ विपरीत विवाहसम्बन्धी कसुरमा अनुसन्धान अगाडि बढाइएको खनालले जानकारी दिए।

पर्सा प्रहरीले यसअघि फागुन १५ गते पनि बालविवाह गर्ने बेहुला र उनका बुवालाई बिहे भएको २५ दिनपछि पक्राउ गरेको थियो। माघ १९ गते पर्साको वीरगन्ज महानगरपालिका— १६ नगवाका १९ वर्षीय बेहुला र त्यही वडाको लक्ष्मीनारायण टोलकी १७ वर्षीया बालिकाबीच बिहे भएको थियो। बालविवाह गर्ने १९ वर्षीय बेहुला र उनका ४६ वर्षीय बुवालाई प्रहरीले फागुन १९ गते पक्राउ गरी मुलुकी अपराध संहिताको दफा १७३ विपरीत विवाहसम्बन्धी कसुरमा मुद्दा चलाएको थियो।

जिल्लाका विभिन्न स्थानमा अझै पनि २० वर्ष उमेर पूरा नभएका युवायुवतीको वालविवाह गर्ने तथा अभिभावकले गराउने गरेको भन्ने जानकारी आइरहेकाले यस सम्बन्धमा प्रहरीको गम्भीर ध्यानाकर्षण भएको प्रहरी नायब उपरीक्षक खनालले बताए। त्यसैले कहीँ पनि कसैले वालविवाह गर्न लागेको, गरिरहेको वा बालविवाह भइसकेको भए पनि प्रहरी कार्यालयमा उजुरी वा खबर गर्न आग्रह गरिएको पर्साका प्रहरी प्रवक्ता खनालले जानकारी दिए।

आन्य समाचारहरु:-
July 12, 2023
प्रधानमन्त्री पत्नी सीता दाहालको निधन

२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ ।  लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]

July 11, 2023
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त

सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी

November 7, 2022
ड्राइभिङ लाइसेन्स प्रिन्ट भयो वा भएन ? थाहा पाउने ३ तरिका

तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]

August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

IPO Result Check

" निरन्तर समाचारको संवाहक "

Beta version

Narayani Post

news@narayanipost.com
narayanipost24@gmail.com
चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram