२०७८ भदौ ६ गते
काठमाडौं । अफगानिस्तानको काबुल विमानस्थलबाहिर ७ जनाको मृत्यु भएको बेलायती रक्षा मन्त्रालयले जनाएको छ । मृत्युको कारण भने खुलाइएको छैन । अहिले काबुल विमानस्थलमा अमेरिकी सेनाको सुरक्षा दिइरहेको छ । अफगानिस्तानमा अमेरिकी सेनाको उपस्थिती रहेको यो एकमात्रै ठाउँ हो ।
विमानस्थलबाहिर भने तालिवानी लडाकुहरु बसेका छन् ।
अमेरिकी राष्ट्रपति जो बाइडेनले यसअघि ३१ अगस्टसम्म सबै सैनिकलाई अफगानिस्तानबाट बाहिर निकाल्ने निर्णय लिएका थिए । तर, यस अवधिमा सबै विदेशी नागरिकलाई अफगानिस्तानबाट फर्काउन नसकिने अन्य देशहरुले जनाएका छन् । उनीहरुले समयसीमा बढाउन पनि बाइडेनलाई दबाब दिइरहेका छन् । बेलायती रक्षामन्त्री वालेसले सबै विदेशी नागरिकलाई यसै महिनाको अन्त्यमा निकाल्न संभव नहुने प्रक्रिया दिएका छन् । उनले कुनै पनि देशले यस्तो गर्न नसक्ने बताए ।
अमेरिकाले सैनिक बर्हिगमनको समयसीमा थपेमा बेलायतले साथ दिने उनले बताए । युरोपेली युनियनका विभाग नीति प्रमुख जोसेफ बोर्रेलले ६० हजार जनतालाई महिनाको अन्त्यसम्म निकाल्नु गणितीय रुपमा असम्भव रहेको बताए ।
उनले अहिलेसम्म ईयुले जागिर दिएका १ सय ५० देखि ५ सय अफगानीहरुलाई मात्रै निकाल्न सकिएको र यो संख्या अपर्याप्त रहेको बताए । ‘प्लेनहरु उडिरहेका छन् र मानिसहरु पीडामा छन्,’ उनले भने ।
एएफपीसँग कुराकानी गर्दै उनले युरोपेली देशका नागरिकलाई सहयोग गर्ने अफगानीहरु समेत विमानस्थल छिर्न नपाएको गुनासो अमेरिकी सेनासँग गरे । अमेरिकीहरुले काबुल विमानस्थलमा सुरक्षा दिइरहेको र त्यसक्रममा उनीहरुले युरोपका लागि सहयोग गर्ने अफगानीको प्रवेशमा पनि अवरोध गरेको उनको आरोप छ ।
अमेरिका तथा युरोपेली देशहरुले आफ्ना नागरिक, आफुलाई सहयोग गर्ने अफगानी र जोखिममा रहेका अफगानीहरुलाई उद्धार गर्ने जनाएका छन् । अमेरिकाले यस्ता सहयोगीहरुलाई शरण दिनका लागि आफ्नो देशमा विशेष भिसा कार्यक्रम समेत सञ्चालनमा ल्याएको छ । तालिवानले काबुल कब्जा गरेयता, अमेरिका तथा युरोपेली देशका सेनाको सहयोगमा काम गरेका अफगानीहरु निकै त्रस्त छन् ।
२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ । लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी
तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]
चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।
