NarayaniPost.com
मङ्लबार, साउन ३, २०७९

काठमाडौंको गोकर्णेश्वरमा खुले विद्यालय

नारायणी पोस्ट
मङ्लबार, भदौ १५, २०७८

२०७८ भदौ १५ गते

काठमाडौं । गोकर्णेश्वर नगरपालिकामा मंगलबारबाट भौतिक रुपमै विद्यालय सञ्चालनमा आएका छन् ।

सरोकार पक्षको सर्वपक्षीय भेलाले स्वास्थ्य मापदण्डको पूर्ण पालना गरी विद्यालय खोल्ने निर्णय भएसँगै मंगलबारबाट नगरक्षेत्रका सामुदायिक एवं निजी विद्यालयहरु सञ्चालनमा आएका हुन् ।

विद्यालय खुलेपनि विद्यार्थीको उपस्थिति भने न्यून रहेको विद्यालयका शिक्षकहरु स्वयं बताउँछन् । जोरपाटीस्थित छाहारी शिक्षा सदनका प्रधानाध्यापक अनिल पराजुलीले मंगलबार एक तिहाइ मात्रै विद्यार्थी उपस्थिति भएको बताए ।

‘विद्यालयमा ४७८ जना विद्यार्थी छन् । जसमध्ये एक तिहाइ मात्रै विद्यार्थी उपस्थित भएका छन् । पहिलो दिन भएर पनि हुन सक्छ । एक दुई दिनभित्र विद्यार्थीको उपस्थिति बढ्न सक्छ’ प्रअ पराजुली भन्छन् ।

उपस्थित भएका विद्यार्थीहरुमा पनि एक प्रकारको अन्यौलता देखा परेको उनले बताए । ‘विद्यालय आएका विद्यार्थीहरुमा एक खालको अन्यौलता देखिन्थ्यो । विद्यार्थीहरु आफ्ना साथीहरुसँग पनि त्यति खुलेका देखिएनन् । संक्रमणको जोखिमप्रति सचेत भएका पनि हुन सक्छ ’ प्रअ पराजुलीले भने ।

जनस्वास्थ्यको मापदण्डलाई ख्याल गर्दै सिफ्टवाइज रुपमा विद्यालय सञ्चालन गरिएको उनले बताए । कक्षा ८–१० सम्मका विद्यार्थीलाई बिहानी सिफ्टमा, कक्षा ४–७ सम्मका विद्यार्थीलाई ११ बजेदेखि दिउँसो २ बजेसम्म र कक्षा ४ देखि तल्लो कक्षाका विद्यार्थीलाई दिउँसो साढे १ बजेदेखि विद्यालय आउने व्यवस्था मिलाइएको उनले बताए ।

यस्तै सुनौलो भविष्य आवसीय विद्यालयमा पनि मंगलबार विद्यार्थी कम उपस्थित भएका छन् ।
पहिलो दिन झण्डै ५० प्रतिशतको हाराहारीमा विद्यार्थीं विद्यालय आएको विद्यालयकी प्रिन्सिपल साधना खतिवडाले जानकारी दिइन् ।

‘झण्डै चार महिनादेखि घरभित्रै थुनिएर बसेका बालबालिकाहरु आज पहिलो दिन विद्यालय आएका छन् । उनीहरुमा एक खालका डर त हुने नै भयो । तर पनि हामीले स्वास्थ्य मापदण्ड पालनामा विद्यार्थीहरुलाई अभ्यास्त पारेर अध्यापन गराउँछौं’ खतिवडाले अनलाइनखबरसँग भनिन् ।

‘माथिल्लो कक्षामा विद्यार्थी संख्या कम नै भएका कारण भौतिक दुरी कायम गरी अध्यापन गराउन सकिन्छ । तर प्रि प्राइमरी र प्राइमरी कक्षामा भने विद्यार्थी संख्या धेरै छन् । त्यसैले सबै विद्यार्थी नियमित उपस्थित हुन थालेपछि रोल नम्बरको आधारमा अल्टरनेट गरी विद्यार्थी बोलाउने योजनामा छौं’ उनले भनिन् ।

नगरपालिकाका मेयर सन्तोष चालिसेले सर्वपक्षीय बैठकले जनस्वास्थ्यको मापदण्ड पालना गरेर विद्यालय सञ्चालन गर्ने निर्णय भएको बताए ।

उनले अनलाइनखबरसँग भने, ‘लामो समयदेखि विद्यालय बन्द हुँदा विद्यार्थीको भविष्य नै अन्यौलमा पर्ने डर भयो, त्यसैले सबै पक्षको बैठकको निर्णयअनुसार स्वास्थ्य मापदण्डको पूर्ण पालना गरी आजबाट विद्यालय खोल्ने निर्णय लिएका हौं ।’ आफूहरुको निर्णयबाट धेरैजसो विद्यार्थी र अभिभावक उत्साहित भएको दाबी गर्दै चालिसेले नियमित रुपमा विद्यालय अनुगमनको प्रवन्ध पनि मिलाइएको बताए ।

‘हाम्रो नगरपालिकामा ६५ प्रतिशत जनसंख्यामा अनलाइनको पहुँच छैन । सक्रिय संक्रमित पनि एक प्रतिशत मात्र छन्, १ लाख २४ हजार जनसंख्यामध्ये १ लाख २० हजारलाई खोप लगाइसक्यौं’ चालिसे भन्छन्, ‘त्यसैले स्थानीय सरकारको अधिकार प्रयोग गरी विद्यालय सञ्चालन गर्ने निर्णय गर्‍यौं ।’

नगरपालिकाका शिक्षा शाखा प्रमुख विजय आचार्यले आजबाट निजी विद्यालयहरु पनि सन्चालनमा आएको बताए । ‘सरकारी स्कुल त खुलेकै थिए, आजबाट निजी विद्यालयहरु पनि सञ्चालनमा आए’ आचार्यले भने ।

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram