NarayaniPost.com
सोमवार, साउन ३०, २०७९

वीरगञ्जका बालबालिका तथा किशोर किशोरीलाई मानसिक स्वास्थ्य सम्बन्धी तालिम

नारायणी पोस्ट
आइतवार, भदौ २०, २०७८

२०७८ भदौ २० गते

वीरगञ्ज । वीरगञ्ज महानगरपालिकाबाट बालबालिका तथा किशोर किशोरीलाई मानसिक स्वास्थ्य सम्बन्धी तालिम दिइएको छ ।

त्यसका लागि महानगर अन्तर्गत रहेका स्वास्थ्य संस्थामा कार्यरत स्वास्थ्यकर्मीलाई मानसिक स्वास्थ्य सम्बन्धी ५ दिने ‘सेवा प्रदायक’ तालिम प्रदान दिइएको हो ।

भदौ ७ गतेदेखि ११ गतेसम्म, भदौ १३ गतेदेखि १७ गतेसम्म गरी दुई पटक तालिम भइसकेको वीरगवञ्ज महानगरपालिकाको स्वास्थ्य महाशाखाले जनाएको छ । ४० जना तालिममा सहभागी भईसकेका छन् ।

महानगरपालिका अन्तर्गत एउटा प्राथमिक स्वास्थ्य केन्द्र, १६ वटा स्वास्थ्य चौकी, सहरी स्वास्थ्य केन्द्र १ वटा, नगर स्वास्थ्य केन्द्र ४ वटा, आधारभूत स्वास्थ्य केन्द्र ८ वटा र सामुदायिक स्वास्थ्य इकाई १ वटा गरी ३० वटा स्वास्थ्य संस्थामा कार्यरत स्वास्थ्यकर्मीलाई तालिम दिइने महानगरले जनाएको छ ।

तालिममा सहभागीले स्वास्थ्य संस्था तथा समुदायमा मानसिक स्वास्थ्य समस्या भएका बालबालिका तथा किशोर किशोरी पहिचान गर्ने, आफ्नो तर्फबाट सक्ने खालका समस्या समाधान गर्ने र जटिल समस्या देखिएको अवस्थामा मानसिक रोग विशेषज्ञ डाक्टर समक्ष रिफर गरि उपचारमा सहयोग गर्ने स्वास्थ्य महाशाखाका जनस्वास्थ्य निरीक्षक सुमनचन्द्र ठाकुरले बताए ।

‘अध्ययनका क्रममा सबैले मानसिक स्वास्थ्य समस्या र त्यसको निदानका बारेमा अध्ययन त गरेका हुन्छन् । तर सेवा प्रदायकलाई दिने तालिमले उनीहरुलाई थप दक्षता प्रदान गर्दछ ।’ उनले भने ।

बालबालिका तथा किशोर किशोरीमा पनि चिन्ता, दिक्दारीपन, पागलपन, मानसिक विछिप्तता, छारे रोग जस्ता समस्या देखिन सक्छ । बच्चा तथा किशोरा अवस्थामा मानसिक स्वास्थ्यमा समस्या देखिँदा उनीहरुको वृत्ति विकासमा असर पर्ने स्वास्थ्यकर्मीहरुको भनाई छ ।

‘सबै मानिसक समस्या रोग हुँदैन । पहिचान गर्नुपर्छ । बालबालिका तथा किशोर किशोरीहरुमा डराउने, झस्कने, एकोहोरो टोलाएर बस्ने, होमवर्कहरु नगर्ने, नसुत्ने, जे पायो त्यहि बोल्ने जस्ता समस्या पो देखिएको छ कि ?’ जनस्वास्थ्य निरीक्षक ठाकुरले भने ‘मानसिक समस्या देखियो भने उनीहरुको भविष्य राम्रो हुँदैन, समयमा काउन्सिल भयो भने समाधान हुन्छ । रोग नै रहेछ भने पनि उपचार संभव छ ।’

मानसिक रोग विशेषज्ञ डाक्टर भरत कुमार गोईतले कोरोना महामारीमा विद्यालय नखुल्दा बालबालिका तथा किशोर किशोरीको मानसिक स्वास्थ्यमा नकारात्मक असर परेको बताए ।

‘बालबालिकामा डर त्रासको र किशोर किशोरीमा एन्जाईटी र डिप्रेसनको समस्या देखियो ।’ उनले भने ‘ स्कुल नभएपछि मोबाईलको लत लागेको छ, सामाजीकीकरण नहुँदा झनक्क रिसाउने, नसुत्ने जस्ता समस्या देखिएका छन्, कतिपय अभिभावक बालबालिका र किशोर किशोरीलाई लिएर चेकजाँचका लागि आएका पनि छन् ।’

अभिभावकले बालबालिका तथा किशोर किशोरीको कुरा सुन्ने, उनीहरुलाई प्रयाप्त समय दिने, बालबालिकाले सोधेका प्रश्नको सही उत्तर दिने, इन्डोर र आउट डोर खेलहरुमा बालबालिका तथा किशोर किशोरीलाई सहभागी गराउने र सामाजिक सञ्जालमा कम समय विताउन लगाउने गर्नुपर्ने उनको सुझाव छ ।

सरकारले विद्यालयमा मानसिक स्वास्थ्य सचेतनाका कार्यक्रम, किशोर किशोरी लक्षित मानसिक स्वास्थ्य कार्यक्रम अघि सार्नुपर्ने उनको सुझाव छ ।

आन्य समाचारहरु:-
August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram