आइतबार, भदौ २७ गते ।
मकवानपुर । राक्सिराङ्ग गाउँपालिकाको एक वडामा भरखरै सम्पन्न भएको वडा अधिवेशनबाट एकै परिवारका बुढाबुढी नै क्षेत्रीय प्रतिनिधि चयन भएका छन् ।
माथिल्लो तहको अधिवेशनमा उम्मेदवार बन्न या मतदान गर्नका लागि अनिवार्य मानिने क्षेत्रिय प्रतिनिधिमा राक्सिराङ्ग गाउँपालिका वडा नं. ४ मा भदौ २० गते भएको काँग्रेसको वडा अधिवेशनमा सिंराम मुक्तान र उनको बुढी कोपिला गोले मुक्तान दुई जना नै क्षेत्रीय प्रतिनिधि चयन भएका हुन ।
एउटा वडाबाट १५ जना क्षेत्रीय प्रतिनिधि चयन गर्नु पर्ने कांग्रेस विधान अनुसार उनिहरु बुढाबुढी नै क्षेत्रीय प्रतिनिधिमा परेपछि पार्टीलाई बर्षौदेखी योगदान दिएर बस्नेहरु क्षेत्रीय प्रतिनिधि बन्नबाट बञ्चित हुनु परेका छन् । कुनै जागिर या पेशा नलिई विशुद्द समाजसेवा र राजनीतिमा लागेका महिला कार्यकर्तालाई पाखा लगाउदै एउटै घरको त्यो पनि बुढाबुढीलाई प्रतिनिधि बनाएर पठाएपछि स्थानिय नेताहरुले चर्को विरोध गरिरहेका छन । यस्तो गुटबन्दी प्रवृत्तिले वडामा काँग्रेसलाई कम्जोर बनाउदै लैजाने स्थानीय नेताले बताए ।