२०७८ असोज ११ गते
विराटनगर । आइतबार विराटनगरमा उच्च अदालत अगाडि व्यवसायी कलामसिंह लामामाथि भएको खुकुरी प्रहार व्यवसायको स्वामित्वसँग जोडिएको खुलेको छ ।
३२ वर्षीय लामाका साझेदार महम्मद साजिद मियाँले उजुरी गरेपछि जिल्ला प्रशासन कार्यालय मोरङले उनको उद्योगको कारोबार रोकिदिएको थियो । प्रशासनको निर्णयविरुद्ध लामा जिल्ला अदालत जाने तयारीमा थिए ।
आइतबार बिहान काठमाडौंबाट आएका उनी जिल्ला प्रशासन कार्यालय हुँदै मुद्दा दर्ताका विषयमा सल्लाह गर्न वरिष्ठ अधिवक्ता सुरेशलाल श्रेष्ठको ल फर्ममा पुगेका थिए । त्यहाँबाट निस्किएर आफ्नो गाडीतर्फ जाँदै गर्दा उनीमाथि दुई जनाको समूहले खुकुरी प्रहार गरेको थियो ।
खुकुरी प्रहार गरेको आरोपमा विराटनगर महानगरपालिका–११ का २७ वर्षीय विमल कार्की पक्राउ परेका छन् । अर्का युवक फरार छन् । खुकुरी प्रहार गर्ने व्यक्ति विराटनगरमा मिटरब्याज र गुण्डागर्दी गर्ने गिरोहका सदस्य रहेको प्रहरीले जनाएको छ ।
खुकुरी प्रहारपछि घाइते भएका लामालाई विराट नर्सिङ होम र विराटनगर अस्पतालमा उपचार गरी थप उपचारका लागि आइतबार नै काठमाडौं लगिएको छ । लामाको पेट, हात लगायत शरीरका विभिन्न भागमा गहिरो चोट लागेको छ ।
मोरङका प्रमुख जिल्ला अधिकारी काशीराज दाहालले लामाका व्यावसायिक साझेदार साजिदलाई आइतबार नै पक्राउ गरिएको बताए । उनकाअनुसार उद्योगको सेयरका विषयमा साजिद र लामाबीच विवाद थियो । विवादको मुद्दा प्रशासनमा आएपछि जिल्ला प्रशासन कार्यालयले उद्योगको कारोबार तत्कालका लागि रोकेको थियो ।
‘जिल्ला प्रशासन कार्यालयले उहाँ (लामा)लाई शुक्रबार बोलाएको रहेछ,’ भर्खरै मोरङमा हाजिर भएका उनले भने, ‘समय नमिलेपछि उहाँलाई मैले आइतबार बोलाएको थिएँ, आइतबार उहाँले आफ्ना कुरा राखेर जानुभएको थियो ।’ सेयर विवादको समाधान गर्ने कानूनी बाटो भएको बताउँदै प्रजिअ दाहालले खुकुरी प्रहार भएका कारण दोषीलाई कानूनी दायरामा ल्याइने बताए ।
काभ्रे घर भई भक्तपुरको सूर्यविनायक नगरपालिका–८ मा बस्दै आएका लामाले दुई वर्षयता मोरङमा इँटा उद्योग सञ्चालन गर्दै आएका थिए । मोरङको कटहरी गाउँपालिका–६ स्थित उनको जग्गामा मोरङ राजधानी इँटा उद्योग सञ्चालनमा छ । सो उद्योग मोरङ नोचाका मोहम्मद साजिद मिया र उनकी श्रीमतीको नाममा थियो । साझेदारीमा सञ्चालनका लागि मियाँले उद्योगको आधा हिस्सा लामालाई दिएका थिए ।
लामा निकट स्रोतका अनुसार उद्योग सञ्चालनका लागि साजिदले लगानी गरेनन् । लाइसेन्स प्रयोग गरेबापत पाँच वर्ष वार्षिक ५० हजार इँटा दिने सहमति भएको थियो । तर पछिल्लो समय साजिदले हिसाबकिताब नदेखाएको भन्दै कटहरी गाउँपालिका हुँदै जिल्ला प्रशासन कार्यालय मोरङमा उजुरी दिएका थिए ।
जिल्ला प्रशासन कार्यालय मोरङले कारोबार तत्कालका लागि रोक्न आदेश दिएको थियो । गत वैशाखयता शुरु विवादमा कारोबार रोकिएपछि लामा अदालती प्रक्रियामा जाने निर्णयमा पुगे । कारोबार फुकुवाको मागसहित मुद्दा दर्ताको तयारी गरेर निस्कँदा उनीमाथि खुकुरी प्रहार भएको हो ।
२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ । लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी
तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]
चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।
