NarayaniPost.com
बुधबार, फाल्गुन १६, २०८०

विदेशी विद्यार्थी चिकित्सा शिक्षा अध्ययन गर्न नेपालमा

नारायणी पोस्ट
बुधबार, अशोज २७, २०७८

२०७८ असोज २७ गते

काठमाडौं । विदेशबाट चिकित्सा शिक्षा अध्ययन गर्न चार सय विद्यार्थी नेपाल आएका छन् । चिकित्सा शिक्षा आयोगका अनुसार यो शैक्षिक सत्रमा मात्रै चार सय विद्यार्थी नेपाल आएका हुन् ।

उनीहरु चिकित्सा शिक्षाको स्नातक तहमा अध्ययन गर्न नेपाल आएको आयोगका उप सचिव सेमन्तराज शर्माले बताए । शर्माका अनुसार यो वर्ष भारतबाट मात्रै चिकित्सा शिक्षा अध्ययन गर्न आएका छन् । कोभिडका कारण यस वर्ष अन्य देशका विद्यार्थी चिकित्सा शिक्षा अध्ययन गर्न नआएको उनको भनाइ छ ।

उनीहरुले आयोगले लिएको एकीकृत प्रवेश परीक्षा र सम्बन्धित देशको परीक्षा पास भएका विद्यार्थी सिधै भर्ना हुन पाउने सुविधा आयोगले दिएको छ । उप-सचिव सेमन्तराज शर्मा भन्छन् ‘आयोगले लिएको एकिकृत परीक्षा पास गर्नेलाई पहिलो प्राथमिकता दिइन्छ । त्यसपछि मात्रै सम्बन्धित देशको परीक्षा पास गरेर आएकोले पढ्न पाउँछन् ।’ चिकित्सा शिक्षा आयोगले स्नातक तहका लागि तोकेको कोटामा १० प्रतिशत विदेशी विद्यार्थीको लागि छुट्याएको छ ।

त्रिवि सम्बद्ध प्रतिष्ठान तथा कलेज, काठमाडौं विश्वविद्यालय, कर्णाली स्वास्थ्य विज्ञान प्रतिष्ठान, पाटन स्वास्थ्य विज्ञान प्रतिष्ठान,कर्णाली स्वास्थ्य विज्ञान प्रतिष्ठान, वीपी. कोइराला स्वास्थ्य विज्ञान प्रतिष्ठानलगायतका शिक्षण संस्थामा एमबीबीएस भर्नाका लागि भर्ना हुन इच्छुक रहेको शर्माले बताए ।

चिकित्सा शिक्षाको स्नातक तह पढ्नको लागि इच्छुक बिदेशी विद्यार्थीलाई कार्तिक सात गतेभित्र सम्बन्धित शिक्षण सस्थामा भर्ना भईसक्न आयोगले सुचित गरेको छ ।

पाँच वर्षमा ७ हजार ५ सय विदेशी विद्यार्थी भित्रिए

अध्यागमन विभागको तथ्यांक अनुसार नेपालमा विगत पाँच वर्षयता विदेशका ७ हजार ५१६ विद्यार्थी अध्ययनरत छन् ।

विभागको रिपोर्ट अनुसार सन् २०१७ देखि हालसम्म २०१७ मा १ हजार ७८२, २०१८ मा २ हजार १७६, २०१९ मा १ हजार ९२७, २०२० मा ९८३, २०२१ मा ६४८ विद्यार्थी अध्ययनका लागि नेपाल आएका हुन् ।

ती विद्यार्थीहरु विश्वभाषा क्याम्पसमा विभिन्न भाषा अध्ययन गरिरहेका छन् । चिकित्सा शिक्षा बाहेक अन्य विषय पढ्न भने जापानबाट धेरै विद्यार्थी भित्रिएको अध्यागमन विभागको तथ्यांकमा उल्लेख गरिएको छ ।

१ हजार ८७, अमेरिकाका ९ सय ६८, दक्षिण कोरियाका ९०४, बेलायती ८३५, चिनियाँ ७३३, श्रीलंकन ४८३ छन् । त्यसैगरी, माल्दिभ्सका ४७१, अस्ट्रेलियाका १६५, क्यानडाका ११५ दुई सयभन्दा धेरै मुलुकका नागरिकले विद्यार्थी भिसा लिएर नेपाल बस्दै आएका छन्।

राष्ट्र बैङ्कको बार्षिक प्रतिवेदन अनुसार आर्थिक वर्ष ०७७/७८ मा विदेशी विद्यार्थीबाट एक अर्ब चार करोड ५९ लाख, आर्थिक वर्ष ०७६/७७ मा दुई अर्ब २३ करोड चार लाख, र ०७५/७६ मा दुई अर्ब २५ करोड १६ लाख रेमिट्यान्स नेपालमा भित्रिएको छ ।

नेपाली विद्यार्थी भने विदेशको विश्वविद्यालयप्रति आकर्षित

नेपाली विद्यार्थी भने विदेशका विश्वविद्यालयप्रति आकर्षित हुने गरेका छन् । हरेक वर्ष विदेशका विश्वविद्यालयमा पढ्न जाने विद्यार्थीको संख्या बढ्दो छ । कोभिड १९ महामारीबीच पनि पछिल्लो आर्थिक वर्ष २०७७/०७८ मा २७ हजार ९७८ जनाले नो अब्जेक्सन लेटर लिएका थिए । जसबाट २४ अर्ब ९५ करोड ९४ लाख रुपैयाँ बिदेसिएको छ।

बैदेशिक अध्ययन अनुमति शाखा केशरमहलको तथ्यांक अनुसार आर्थिक वर्ष २०७२/०७३ देखि आर्थिक वर्ष २०७७/०७८ सम्म दुई लाख ६७ हजार २३७ जनाले अध्ययन स्वीकृति पत्र (नो अब्जेक्सन लेटर) लिएका छन् ।

शाखाको तथ्यांक अनुसार अष्ट्रेलिया, अमेरिका, क्यानडा लगायत देशका विश्वविद्यालयहरु विद्यार्थीको मुख्य रोजाईमा परेको देखिन्छ ।

चिकित्सा शिक्षा स्नातक अध्ययनका लागि आयोगले तोकेको शुल्क

आयोगले गत वैशाख २९ गते एक सूचना जारी गरी शैक्षिक सत्र २०७७/७८मा उपत्यका भित्र एमबीबीएस अध्ययनका लागि ४० लाख २३ हजार २५० र उपत्यका बाहिर एमबीबीएस अध्ययनका लागि ४४ लाख ३६ हजार २५ रुपियाँ शुल्क निर्धारण गरेको थियो ।

बीडीएस अध्ययनका लागि २० लाख १९ हजार ५८० निर्धारण गरेको थियो । सोही शुल्कमा १.६ प्रतिशत वृद्धि गरेर विदेशी विद्यार्थीलाई पढाउन सार्वजनिक सूचना गरिएको आयोगले जनाएको छ ।

आन्य समाचारहरु:-
July 12, 2023
प्रधानमन्त्री पत्नी सीता दाहालको निधन

२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ ।  लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]

July 11, 2023
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त

सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी

November 7, 2022
ड्राइभिङ लाइसेन्स प्रिन्ट भयो वा भएन ? थाहा पाउने ३ तरिका

तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]

August 13, 2022
त्रिशुली नदीमा खस्यो ट्रक

चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।

IPO Result Check

" निरन्तर समाचारको संवाहक "

Beta version

Narayani Post

news@narayanipost.com
narayanipost24@gmail.com
चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram