NarayaniPost.com
मङ्लबार, साउन ३, २०७९

चीनमा ‘पोर्क’ भन्दा साग महंगो

नारायणी पोस्ट
मङ्लबार, कार्तिक १६, २०७८

२०७८ कात्तिक १६ गते

काठमाडौं । चीन सरकारले मानिसहरूलाई अत्यावश्यक दैनिक उपभोग्य सामान सञ्चय गरेर राख्न भनेको छ ।

अस्वभाविक रुपमा भएको भारी बेमौसमी वर्षाका कारण तरकारीको मूल्य बढेको र आपूर्ति अभाव देखिएको हुनाले हिउँदमा आउन सक्ने संकट मध्यनजर गर्दै अत्यावश्यक दैनिक उपभोग्य वस्तु सञ्चय गरेर राख्न भनिएको रोइटर्सले जनाएको हो ।

सोमबार अबेर चिनियाँ वाणिज्य मन्त्रालयले जारी गरेको एक विज्ञप्तिमा स्थानीय अधिकारीलाई आपूर्ति तथा स्थिर मूल्य सुनिश्चित गर्नका लागि उपयुक्त कदम चाल्न भनिएको छ । त्यस्तै, आपूर्तिमा कुनै समस्या आउन सक्ने अवस्थाबारे पहिला नै सचेत गराउन समेत मन्त्रालयले अधिकारीलाई भनेको छ ।

चिनियाँ सरकारले सबैभन्दा ठूलो राष्ट्रिय पर्व नयाँ वर्ष (फेब्रुअरीको सुरुमा आउने लुनार न्यु यिअर) पूर्व नै ताजा तरकारी तथा बंगुरको मासुको आपूर्ति बढाउन थप कदम चाल्ने गर्छ । तर यो वर्ष भने आपूर्ति बढाउनका लागि बेलैमा कदम चाल्नुपर्ने अवस्था देखिएको छ ।

अक्टोबरको सुरुमा विषम मौसमका कारण तरकारी उत्पादन गर्ने मुलुककै ठूलो क्षेत्र शाङडोङमा बालीनालीमा भएको क्षति र उत्तर-पश्चिमदेखि उत्तर-पूर्वी क्षेत्रबाट कोभिड-१९ संक्रमण फैलिइरहेको अवस्थामा खाद्य आपूर्ति अबरुद्ध हुने अवस्था सिर्जना भएपछि सरकारले समयअगाडै सजगता अपनाएको हो ।

गत हप्ता काँक्रा, साग र ब्रोकाउलीको मूल्य अक्टोबरको सुरुमा कायम मूल्यभन्दा दोब्बरले बढेको थियो । पछिल्लो विवरण अनुसार शाङडोको प्रमुख व्यापारिक केन्द्र शोगुआङमा बंगुरको मासु (पोर्क) प्रति किलो २.६० अमेरिकी डलरमा किन्न पाइन्छ । तर सागको मूल्य बढेर सोभन्दा महंगो हुन पुगेको समाचारमा उल्लेख छ ।

केही समयअघि छापिएको ‘मासुभन्दा तरकारी महंगो’ भन्ने समाचारले धेरैको ध्यान तानेको थियो । कुनै-कुनै स्थानमा सागको मूल्य बढेर पोर्ककोभन्दा दोब्बर पुगेको छ । रिपोर्टअनुसार एक किलो सागको मूल्य बढेर ३५ युयान (५.५ अमेरिकी डलर) पुगेको छ । जबकि बंगुरको मासुको मूल्य २० युयानभन्दा कम रहेको छ ।

यसअघि समेत कुनै-कुनै तरकारी मासुभन्दा महंगो हुने गरेको थियो । प्राय: विषम मौसमका कारण उत्पन्न हुने समस्याका कारण तरकारीको मूल्य बढ्ने गर्छ । लामो समयसम्म राख्न नमिल्ने हरियो सागपात जस्ता तरकारीको मूल्य अन्य तरकारीको तुलनामा बेलाबेला बढेको पाइन्छ । तर यस्तो अवस्था छोटो समयमात्रै कायम हुने गर्छ ।

सोमबार सरकारी टेलिभिजनमा प्रसारित एक रिपोर्टअनुसार बढ्दो मूल्यवृद्धिसँग जुध्न चीनले सञ्चित गरेर राखिएको तरकारी ‘उपयुक्त समयमा’ बजारमा पठाउने तयारी गरेको छ ।

तर चीनले कुन-कुन तरकारी सञ्चित गरेर राखिएको छ र सञ्चित तरकारीको मात्रा कति छ भनेर प्रस्ट पारिएको छैन् ।

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram