२०७८ पुष २१ गते
हेटौंडा । राष्ट्रियसभा सदस्य निर्वाचनका लागि वाग्मती प्रदेशमा ६ जनाले उमेदवारी दर्ता गराएका छन् । दुई पदका लागि चार दलका ६ जनाको उमेदवारी परेको हो ।
सत्तारूढ गठबन्धनका तर्फबाट नेपाली कांग्रेस र नेकपा (एकीकृत समाजवादी) तथा प्रमुख प्रतिपक्ष दल नेकपा (एमाले) र नेमकिपाका तर्फबाट दुई\दुई जनालेउमेदवारी दर्ता गराएका हुन् ।
आज प्रदेश निर्वाचन कार्यालय हेटौँडामा गठबन्धन दलका तर्फबाट कांग्रेसका कृष्णप्रसाद पौडेल र नेकपा (एकीकृत समाजवादी)की गोमा तिमल्सिनाको उमेदवारी परेको हो । यस्तै, एमालेका गोपाल शाक्य र निरकुमारी कुँवर दर्लामीले उमेदवारी दर्ता गराएका छन् ।
त्यसैगरी नेपाल मजदुर किसान पार्टीका तर्फबाट कृष्णबहादुर तामाङ र गीता काफ्लेको उमेदवारी परेको छ । राष्ट्रियसभा सदस्यको निर्वाचन आउँदो माघ १२ गते हुँदै छ ।