NarayaniPost.com
बिहिबार, साउन ५, २०७९

कोरोनाका कारण चितवनको यातायात व्यवस्था कार्यालयद्वारा अनलाइन टोकन प्रणाली सुरु

नारायणी पोस्ट
सोमवार, माघ ३, २०७८

२०७८ माघ ३ गते

चितवन । कोरोना संक्रमणको जोखिमलाई मध्यनजार गर्दै यातायात व्यवस्था सेवा कार्यालय चितवनमा अनलाइन टोकन प्रणाली सुरु गरेको छ ।

सेवालाई सहज र कार्यालयमा बढी भिडभाड हुन नदिन कार्यालयले अनलाइन टोकन लागु गरिएको हो ।

अहिले कोभिड सङ्क्रमणको जोखिम बढेसँगै कार्यालयमा सवारी नवीकरणमा अनलाइन टोकन सुरु गरिएको कार्यालय प्रमुख बिनोद पौडेलले जानकारी दिए । त्यस्तै प्रति घण्टामा हाल ३० वटा सवारी र १३ वटा लाइसेन्स नविकरण गर्ने गरी अनलाइन टोकन सुरु गरिएको छ ।

त्यस्तै कोभिड बढेकोले एक पटकमा २५ जना भन्दा बढी भिडभाड नहुने गरी सेवा प्रवाह गर्ने भन्ने २६ गतेको प्रशासनको आदेशपछि अनलाइन टोकन सुरु गरिएका र भिडको कारणले सेवा अवरुद्ध गर्न नपरोस् भनेर टोकन अनिवार्य गरेका उनको भनाइ छ ।

सेवाग्राहीले कार्यालयको वेबसाइटमा chitwanyatayat.bagmati.gov.np मा गएर सजिलै अनलाइन टोकन लिन सकिने तथा वेबसाइटको भेटघाट व्यवस्थापन प्रणालीमा क्लिक गरेर नाम, मोबाइल नम्बर, लिन चाहेको सेवा र सेवा लिने मिति राखेर टोकन लिन सक्ने उनले बताए ।

त्यस्तै लाइसेन्सका लागि यसअघि नै अनलाइन टोकन लागु गरिएको थियो ।

कार्यालयको प्रणालीले एक घण्टामा १५ जनालाई सेवा दिने गरी समय व्यवस्थापन गर्छ। सोही समयमा अनुसार कार्यालय गएर सेवा लिन सक्नेछन्। उनले थपे, “सिस्टमले समय दिन्छ। पहिलो १५ जनालाई १० देखि ११ बजे, दोस्रो १५ जनालाई ११ देखि १२ बजे, यसरी समय दिन्छ, ११ देखि १२ बजेलाई समय दिएको सेवाग्राही अरु समयमा आउनुपर्दैन।” अनलाइन टोकन लिएर आएपछि मात्रै सेवा दिने गरी व्यवस्थापन भइरहेको उनले वताउनुभयो। कार्यालयले मङ्सिर १२ गतेबाट लाइसेन्स नवीकरण सेवा शुरु गरेको थियो। सेवा शुरु भएकोसँगै १३ मंसीरबाट नै अनलाइन टोकन शुरु गरिएको हो।

कार्यालयमा अहिले दैनिक ६० भन्दा बढी लाइसेन्स नवीकरण सेवा बारे परामर्श लिन आउने गरेका छन्। तीमध्ये दैनिक ४० भन्दा बढीले नवीकरण सेवा लिने गरेका छन्। कार्यालयले अहिलेसम्म ६०० भन्दा बढी लाइसेन्स नवीकरण गरिसकेको छ। कार्यालयले पेपरकार्ड र स्मार्ट दुबै लाइसेन्स नवीकरणको सेवा दिइरहेको छ ।

आन्य समाचारहरु:-
July 1, 2022
हेटौंडा-५ मा मोटरसाइकल दुर्घटना

हेटौंडा । हेटौंडा उपमहानगर ५ मा दुर्घटना भएको छ ।  दुइवटा मोटरसाइकल एक आपसमा ठोक्किएर दुर्घटना भएको हो । दुर्घटनामा मा ३ जना घाइते भएका छन् । ना ५१ प ७३५९ निलो पल्सर पिप्लेबाट बजार आउदै गरेको निलो पल्सर र हेटौंडा बाट पिप्ले जाँदै गरेको बा प्र ३ -००४ प १५९९ नम्बर को एन एस […]

June 10, 2022
ऑंबुखैरेनिमा कार र मोटरसाइकिल खसेको ठाउँमा दुइ पुरुषको शव भेटियो

सडक भासिएको मस्र्याङ्दी नदी किनारमा दुई पुरुषको शव फेला भेटिएको छ। पृथ्वी राजमार्गअन्तर्गत तनहुँको आँबुखैरेनी गाउँपालिका–४ साखर ड्याममा आज बिहान ४ बजे भासिएको सडकबाट बा१० च४६४९नम्बरको कार र मोटरसाइकिल खसेको थियो। मोटरसाइकलमा सवार पुरूष भने सवारी फालेर ज्यान जोगाएका थिए भने कारमानिससहित पहिरोमा खसेको प्रहरीले बताएको छ। लामो जामका कारण यात्रुको बिचल्ली भएको छ। लामो […]

May 29, 2022
मुस्ताङको लेतेमा दुर्घटनाग्रस्त अवस्थामा भेटियो तारा एयरको जहाज

१५ जेठ, चितवन । पोखराबाट जोमसोम उडेर सम्पर्कविहीन भएको जहाज मुस्ताङ जिल्लाको लेतेमा दुर्घटनाग्रस्त अवस्थामा भेटिएको जानकारी आएको छ।म्याग्दी जिल्लाका प्रमुख जिल्ला अधिकारी चिरञ्जिवि रानाका अनुसार मुस्ताङ जिल्लाको लेतेमा दुर्घटनाग्रस्त अवस्थामा जहाज भेटिएको र थप जानकारी आउन बाँकी रहेको छ।तारा एयरको ९ एनएईटी टि्वनअटर विमान दुर्घटनामा परेको हो।विमानमा ४ जना भारतीय नागरिकसहित ६ जना विदेशी […]

May 14, 2022
चितवनमा माओवादी केन्द्रले खाता खोल्यो,इच्छाकामना १ मा सन्तबहादुर राना विजयी

चितवन,३१ बैशाख । चितवनमा माओवादी केन्द्रले खाता खोलेको छ । इच्छाकामना गाँउपालिका १ मा गठबन्धनका तर्फबाट उम्मेदवार बनेका सन्तबहादुर राना विजयी भएका छन् । उनले नेकपा एमालेका उम्मेदवारलाई १० मतको झिनो अन्तरमा पराजित गरेका हुन् ।

IPO Result Check

" निरन्तर समाचारको संवाहक "

Beta version

Narayani Post

चितवन, नेपाल  

जोडिनुहोस

copyright © narayanipost.com 
Headlines: 
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram