२०७८ मंसिर २४ गते
काठमाडौं । शहीद स्मारक ए डिभिजन लिग अन्तर्गत आजदेखि चौथो चरणका खेलहरु सुरु हुँदैछन् । मनाङ मर्स्याङ्दी क्लब र फ्रेण्ड्स क्लबबीच दिउँसो १ बजे खेल हुनेछ भने च्यासल युथ क्लब र त्रिभुवन आर्मी फुटबल क्लबबीचको खेल ४:४५ मा सुरु हुनेछ । दुवै खेल त्रिपुरेश्वरस्थित दशरथ रंगशालमा हुनेछन् ।
सर्वाधिक ८ पटकको लिग विजेता मनाङले तीन खेलमा अपराजित रहँदा ७ अंक जोडेको छ । नाइजेरियन प्रशिक्षक फुजा तोपेको आगमनपछि मनाङको यो पहिलो खेल हुनेछ । यसअघि राजेन्द्र तामाङले मनाङको प्रशिक्षकको रुपमा काम गरेका थिए । अब दुवै प्रशिक्षण टोलीमा रहनेछन् ।
बिहीबारको प्रिम्याच कन्फ्रेन्समा पनि उनै फुजा उपस्थित भएका थिए । उनले मनाङको रणनीति स्पष्ट रुपमा सुनाए, कुनै अंक नगुमाउने । मनाङले सुरुको दुई खेलमा जावलाखेल र हिमालयन शेर्पा क्लबलाई पारजित गर्दा संकटासँग हार नजिक पुगेर पनि अंक खोस्न सफल भएको थियो ।
फ्रेण्ड्ससँग खेल्दा अंक नगुमाउने मनाङको लक्ष्य रहेको फुजाले बताए । ‘हामी कुनै अंक गुमाउन चाहँदैनौँ,’ उनले भने, ‘मनाङ अपराजित यात्रालाई कायम राख्दै उपाधि होडमा रहने लक्ष्यमा छ ।’
उता यस सिजन रेलिगेसनबाट बच्ने लक्ष्य राखेको फ्रेण्ड्सले अहिलेसम्म ३ खेलबाट २ अंक मात्र जोडेको छ । कप्तान प्रकाश बुढाथोकीसहित ३ खेलाडी घाइते रहेको फ्रेण्ड्सले मनाङसंग कम्तीमा अंक खोस्ने प्रयास गर्ने प्रशिक्षक मृगेन्द्र मिश्रले बताए । ‘मनाङ बलियो टोली हो तर हामी अंक जोड्नकै लागि खेल्छौँ जित वा बराबरीकै लागि खेल्छौँ,’ प्रशिक्षक मिश्रले भने ।
कप्तान प्रकाशसहित स्ट्राइकर जमन एन्टोनी र प्रिजेन तामाङ पनि घाइते रहेकोले केही समस्या हुनसक्ने उनले बताए । प्रकाश चार साता मैदान बाहिर रहने बताइएको छ । त्यसका बावजुत पनि मनाङलाई टक्कर दिने फ्रेण्ड्सको लक्ष्य छ । फ्रेण्ड्सको आगामी यात्रा कस्तो हुने भन्ने यस खेलले धेरै हदसम्म तय गर्ने प्रशिक्षक मिश्रको भनाइ थियो ।
यस्तै दिनको दोस्रो खेलमा अर्को उपाधि दाबेदार आर्मी र च्यासलबीच प्रतिस्पर्धा हुनेछ । आर्मीका सहायक प्रशिक्षक राजु तामाङले प्रिम्याच कन्फ्रेन्समा च्यासल विरुद्ध ३ अंककै लागि खेल्ने बताए । ‘हामी उपाधि दाबेदार रहेकोले ३ अंककै लागि खेल्छौँ ।’ तेस्रो चरणमा ब्रिगेडलाई पराजित गर्दै सिजनको पहिलो जित हात पारेपछि मुख्य प्रशिक्षक नवीन न्यौपानेले उपाधि होडमा फर्किएको जनाउ दिएका थिए । ३ खेलबाट अपराजित आर्मीको ५ अंक छ ।
अर्कोतर्फ च्यासलले एक जित एक बारबरी र एक हारपछि ४ अंक जोडेको छ । च्यासलका प्रशिक्षक बालगोपाल साहुखलले ५०-५० को म्याच रहेकोले खेल दिन कसले राम्रो खेल्छ त्यसमा भर पर्ने बताए ।
मनाङ र आर्मीको लागि चौथो चरणदेखि सातौं चरणसम्को खेल अझै महत्वपूर्ण छ । किनकी सातौं चरणसम्म एएफसी क्लब लाइसेन्स भएका क्लबमध्ये धेरै अंक जोड्ने क्लबले एएफसी कप छनोट खेल्न पाउने एन्फाले जनाएको छ ।
२७ असार २०८०प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उनको काठमाडौंको थापाथलीस्थित नर्भिक अस्पतालमा निधन भएको हो ।८ बजेर ३३ मिनेट जाँदा प्रधानमन्त्री पत्नी सीता दाहालको निधन भएको अस्पताल स्रोतले जनाएको छ । लामो समयदेखि सीता बिरामी अवस्थामा थिइन् । ६९ वर्षको उमेरमा उनको निधन भएको हो । सीता दाहाललाई […]
सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर लामजुराडाँडामा दुर्घटनाग्रस्त भएको छ । सवार ६ जना मध्य ५ जना को शव निकालियो थप एक जना को खोजी कार्य जारी
तपाईले स्मार्ट ड्राइभिङ लाइसेन्सका लागि आवेदन दिनुभएको छ ? यदि हो भने तपाईको लाइसेन्स प्रिन्ट हुने समय भयो कि भएन ? यी सबै कुरा थाहा पाउनका लागि अनलाइनबाट विभिन्न माध्यमको प्रयोग गर्न सकिन्छ । ती मध्ये सबैभन्दा सजिलो माध्यम चाहिं एसएमएस पठाउन सकिने माध्यम हो । आफ्नो मोबाइलबाट म्यासेज बक्समा गएर अंग्रेजी अल्फाबेट एल र […]
चितवन - शनिबार बिहान करिब ९ बजेतिर त्रिशूली नदीमा एक ट्रक खसेको छ । इच्छाकामना गाउँपालिका – ५ स्थित नाग्दी खोला भन्ने ठाउँबाट एक इटा बोकेको ट्रक खसेको जिल्ला प्रहरी कार्यालय चितवनले जनाएको छ । ट्रकमा के कति सवार थिए भन्नेबारे खुलेको छैन । अहिले प्रहरीको टोली खोजीका लागि परिचालन भइसकेको बताइएको छ ।
